In die hartjie van Johannesburg staan Hoërskool Linden – ‘n skool wat sedert 1947 op verskillende terreine geskiedenis maak en trots sy plek in die Suid-Afrikaanse samelewing volstaan.

Met sy ryk tradisie en ‘n toekomsvisie wat relevante onderrig verseker, is Hoërskool Linden dié plek vir jou.  Dit is ‘n skool met waardes wat spreek van respek, uitnemendheid, integriteit en lojaliteit.  ‘n Plek waar ons mekaar se uniekheid en verskille erken en die heeltyd aanpas om relevant te bly.

By Hoërskool Linden skep ons ‘n ruimte waar jongmense toegerus word om die wêreld met selfvertroue, kennis en vaardighede aan te pak.  Ons gee om, is inklusief, gefokus om dissipline te handhaaf en strewe daarna om lewens te verryk.  Die skool bied ‘n veilige tuiste waar leerders in staat gestel word om hulle vermoëns te ontwikkel deur middel van ‘n breë spektrum geleenthede.