Boodskap van die waarnemende hoof

Na 'n uiters suksesvolle 2012 betree Hoërskool Linden 2013 met groot verwagtinge. Baie sterkte vir die nuwe jaar!

Ek doen 'n beroep op elke Linden-leerder en hul ouers om ons hande sterk te maak en betrokke te raak by alle aktiwiteite van Hoërskool Linden en sodoende ons wenresep in 2013 voort te sit. Dit is belangrik om op alle terreine (akademies, sport, kultuur, leierskap en sosiaal) julle gewig in te gooi. Sodoende kan ons gesamentlik Linden se doelwitte ten opsigte van interafhanklikheid, samewerking, aanspreeklikheid, toewyding en volharding verwesenlik.

Vir my is die belangrikste dat elke Lindeniet gelukkig in die skool moet wees. Linden kan alleen presteer as ons as span gelukkig is. 'n Gelukkige leerder is 'n goed aangepaste en produktiewe leerder in die skoolgemeenskap.

Missie

Ons kweek karakter deur verantwoordbaarheid, opregte bemoeienis, respek, integriteit, uitnemendheid, lojaliteit en eenheid voor te leef.
Ons kweek jongmense wat waarde tot die samelewing toevoeg deur onderrig wat:

• uitnodigend
• funksioneel toepaslik
• en uitnemend is.

Filosofie

As omgewing-sensitiewe opvoedkundige instelling sal Hoërskool Linden 'n konstruktiewe en leidende rol in die plaaslike, Suid-Afrikaanse en internasionale samelewing speel.

Die beginsels van 'n demokratiese, nie-diskriminerende en oop samelewing, akademiese en godsdiensvryheid word onderskryf.