• image
  • image
  • image
  • image
  • image

 

DIS DIE PLEK VIR JOU

Hier by Hoërskool Linden skep ons ‘n ruimte waar jongmense tot volwaardige volwassenes gevorm word met ‘n toekomsvisie en toegerus om die wêreld met selfvertroue, kennis en vaardighede aan te pak. 

Hoërskool Linden bied ‘n veilige tuiste om leerders in staat te stel om hulle vermoëns te ontwikkel deur middel van ‘n breë spektrum geleenthede. 

Ons gee om, is inklusief, prestasie-gedrewe, gefokus om dissipline te handhaaf en lewens te verryk. Ons stel onsself ten doen doel om gelukkige, gebalanseerde mense die wêreld in te stuur. 

Hoërskool Linden spog reeds 23 jaar met ‘n 100% matriekslaagsyfer. Ons klasse is klein en ons akademiese program verfyn om sukses te verseker. Verskeie addisionele akademiese geleenthede word geskep om kennis te ontsluit en jongmense te bemagtig. 

Linden alumni presteer op nasionale en internasionale vlak, in die besigheidswêreld, op sport- en kultuurgebied. Die bekwaamheid van ons leerders getuig van ‘n doelgerigte leierskapprogram.  

Op sportgebied ding Hoërskool Linden mee met groot skole in ‘n verskeidenheid van kompetisies in alle sportsoorte. Ons tree dikwels as trotse wenners uit die stryd. Deur goeie sportsmanskap te handhaaf word leerders gerig om hulle plek op enige gebied vol te staan.

Hoërskool Linden het ‘n omvattende kultuurprogram waar leerlinge hulle ten volle kan uitleef. Van redenaars, tot drama, musiek, dans en kuns dra by tot ‘n lewendige kreatiewe kultuur wat harte verower.

In Linden werk ons hard, maar ons kuier ook graag saam. Ons jaarkalender is propvol sosiale geleenthede wat in elke leerder se smaak val en selfs die groter Lindengemeenskap betrek. Ons is ‘n hegte groep wat daarin glo om vriendskapsbande te versterk en te koester. 

 

Een maal ‘n Lindeniet, altyd ‘n Lindeniet. 

 

Hoërskool Linden